Mark 11:15-19
Gbedoxɔ la ŋukɔkɔ
(Mateo 21:12-17; Luka 19:45-48; Yohanes 2:13-22)
15Esi wova ɖo Yerusalem la, eyi gbedoxɔa me ake eye wòde asi nudzralawo kple nuƒlelawo nyanya me do goe. Emu gaɖɔlilawo ƒe kplɔ̃wo ƒu anyi, ekaka akpakpadzralawo hã ƒe agbadɔwo, 16eye meɖe mɔ be ame aɖeke natsɔ naneke kura ato gbedoxɔa me o.17Egblɔ na ameawo bena, “Woŋlɔ ɖe mawunya me be, ‘Nye gbedoxɔ anye gbedoɖaƒe na dukɔwo katã.’ Gake miawo mietsɔe wɔ adzoblasuwo ƒe nɔƒee.”
18Esi Osɔfogãwo kple Yudatɔwo ƒe kplɔla bubuwo se nu si Yesu wɔ la, wode aɖaŋu le ale si woawɔ awui la ŋuti. Ke nane ɖe fu na wo ƒe susu. Eyae nye be, ame geɖewo kpɔ dzidzɔ ŋutɔ le Yesu ƒe nufiafia ŋuti, ale be ʋunyaʋunya ate ŋu adzɔ nenye be wote nu sia wɔwɔ kpɔ.
19Abe ale si wowɔna ɖaa ene la, Yesu kple eƒe nusrɔ̃lawo do go le dua me la fiẽ me lɔƒo.
Copyright information for
EweBEE